Thu chawh-chaw-rawi--rawih---rawih!!!!
**Nimin piah mai khan khawvel hmun danga ringtute ang thovin Hyderabad Mizo Christian Fellowship (HMCF) te pawhin Christmas hlim takin kan lawm a. Mizo 120 chuang zetin vawksarep lah antam chhum pawlh nen kan hmang thei a nuam khawp mai. Tin, ka birthday alo ni ve kher nen Krismas hi chu a hlut dan a dang bik tlat thin!(www.hyderabadmizo.org lamah kan Krismas report & thlalak vel chu en theih in a awm e). Duhsak taka phone call, SMS,email, e-card, leh kut thing meuh a chibai min buk tu zawng zawng te chungah lawmthu ka sawi e. Pathian in Malsawm theuh che u rawh se.
**Chawhchawrawi tih tak ah thu in man lo zet leh ahrang daih in chhunzawm ta ila...Nov thla khan Hyderabad a Mahavir Hospital ah kan thianpa Dawnga te nufa in Kidney Transplant an nei a, operation an neih ni in nidang ah kan lang hman si lova tiin thiandangte nen kan va phei ve a. Kan haw lamah Mehdipatnam ringroad a Petrol Pump bula seater kan chan laiin ahnuai a thlalak lo lang hi a lo let bam mai a, a bul vela vai ho ka'n zawh chuan "zu a rui a mu anih hi an ti" a. Engdang sawi lovin ka ipte atangin camera ka la chhuak a chupa kutdawh zurui chatthla lai chu vawi 2 ngawt a thla ka lak sak ta a. Room ka thlen hnu a ka thlalak ka'n en leh tak hnu chuan he kutdawh pa leh Mizoram dinhmun hi a in ang mange tih min ngaihtuah chhuah tir a. He pa pawh hian nitin kutdawh in mite khawngaihna zawngin ei a hmu anih hmel a, chung midangte hnen atanga a dawn khawm sum hmang chuan zu a rui ta a, ti hian a chatthla chu ani a. Mizoram pawh hi han en ila, Central sawrkar sum hmangin mahni a in enkawl thei silovin kan nung mek a. Chutih lai chuan thawhchhuah nei silo, hmun dang atanga sum lo kal chang in theih pa tawp in nuam kan chen mek a ni si a, tiang reng a kan awm chuan hma kan sawn thei dawn em ni le? He tiang kan nih chhung chuan ropuina ramah kan chuang kai tawp lovang le, kei ngei pawh hi ka bang bik chuang lo, hmabakah tih tur ava la tam em! Mahse engtikni ah emaw chuan Kutdawh state ni a an sawi thin Zoram khian mahni ke a din chhuah hun a la nei ngei ang tih ka ring tlat ani. Nang leh kei hian tih theih kan nei ngei ang le?!
....he thlalak hi kutdawh hmusitna lam nilovin Mizo te nena kan in anna lai awm ve tlat a ka hriat vanga tarlang mai ka ni e.
Tun tum atan chuan achunga mi thupahnih te hi ka rawn chawh-chaw-rawih theih chu ni mai teh se:-)
**Nimin piah mai khan khawvel hmun danga ringtute ang thovin Hyderabad Mizo Christian Fellowship (HMCF) te pawhin Christmas hlim takin kan lawm a. Mizo 120 chuang zetin vawksarep lah antam chhum pawlh nen kan hmang thei a nuam khawp mai. Tin, ka birthday alo ni ve kher nen Krismas hi chu a hlut dan a dang bik tlat thin!(www.hyderabadmizo.org lamah kan Krismas report & thlalak vel chu en theih in a awm e). Duhsak taka phone call, SMS,email, e-card, leh kut thing meuh a chibai min buk tu zawng zawng te chungah lawmthu ka sawi e. Pathian in Malsawm theuh che u rawh se.
**Chawhchawrawi tih tak ah thu in man lo zet leh ahrang daih in chhunzawm ta ila...Nov thla khan Hyderabad a Mahavir Hospital ah kan thianpa Dawnga te nufa in Kidney Transplant an nei a, operation an neih ni in nidang ah kan lang hman si lova tiin thiandangte nen kan va phei ve a. Kan haw lamah Mehdipatnam ringroad a Petrol Pump bula seater kan chan laiin ahnuai a thlalak lo lang hi a lo let bam mai a, a bul vela vai ho ka'n zawh chuan "zu a rui a mu anih hi an ti" a. Engdang sawi lovin ka ipte atangin camera ka la chhuak a chupa kutdawh zurui chatthla lai chu vawi 2 ngawt a thla ka lak sak ta a. Room ka thlen hnu a ka thlalak ka'n en leh tak hnu chuan he kutdawh pa leh Mizoram dinhmun hi a in ang mange tih min ngaihtuah chhuah tir a. He pa pawh hian nitin kutdawh in mite khawngaihna zawngin ei a hmu anih hmel a, chung midangte hnen atanga a dawn khawm sum hmang chuan zu a rui ta a, ti hian a chatthla chu ani a. Mizoram pawh hi han en ila, Central sawrkar sum hmangin mahni a in enkawl thei silovin kan nung mek a. Chutih lai chuan thawhchhuah nei silo, hmun dang atanga sum lo kal chang in theih pa tawp in nuam kan chen mek a ni si a, tiang reng a kan awm chuan hma kan sawn thei dawn em ni le? He tiang kan nih chhung chuan ropuina ramah kan chuang kai tawp lovang le, kei ngei pawh hi ka bang bik chuang lo, hmabakah tih tur ava la tam em! Mahse engtikni ah emaw chuan Kutdawh state ni a an sawi thin Zoram khian mahni ke a din chhuah hun a la nei ngei ang tih ka ring tlat ani. Nang leh kei hian tih theih kan nei ngei ang le?!
....he thlalak hi kutdawh hmusitna lam nilovin Mizo te nena kan in anna lai awm ve tlat a ka hriat vanga tarlang mai ka ni e.
Tun tum atan chuan achunga mi thupahnih te hi ka rawn chawh-chaw-rawih theih chu ni mai teh se:-)
No comments:
Post a Comment