Ni rei lote liam ta ah khan fellowship
dilna tur ka buaipui a, zan ka men rei deuh thin avangin zing thawh ka
harsat nen khami ni kher khan ka tho fuh vak lo a, khua a sang tawh viau
e ti lo chuan ka la mutui khawp mai a. Ka pu(Research guide/supervisor)
in min rawn phone harh hlawl mai a, ‘’I hman ve leh department office
ah lo kal la, nimin a i form theh luh kha a dik lova, kan Head of Dept.
in a rawn thawn let leh a, thar a i tih that angai ang " a ti a. Ka mu
chu ka tho ta nghal a, rei lo te ah kan Dept.office ka thleng a, office
staff zing a boss ber ka nel ve em
em hian min lo kova, engmah sawi lo hian “ I a ta em ni? Fellowship i
claim dan hi a dik lo hul hual, kum pawh a la ral lova ngatinge 2009
thleng i claim tak mai” a ti a. Kei chuan “Office in sanction order a
rawn chhuah ang khan ka fill up mai “ tiin ka chhang a. “ Hei chen hi
lehkha i zir tawh a, a va mak tak em, heng hre lo rual chu i ni tawh lo
min ti a”, ka in sum zo ta ngang lo, “He dept hi misual awm na anih hi,
heng mai mai a dik lo anih leh lo siam tha ula ani mai lawm, mahni
zirlai te pawh hriatthiamna nei lo” tiin ka chhang let a, thinrim teuhin
office ka chhuahsan a. Ka pu room ah ka phei a, a lo in lock si a, ka
phone a In ah a lo haw chho tawh a, tichuan an In-ah a signature a bul a tanga la tha leh tur chuan ka thirsakawr nen chuan ka in khalh chho ta a.
Ka
pu hnen ka thleng chu naupan lai a Pa te kapkar a awmlai chuan thiante
pawh kan hlau bik lo ang deuh kha ka ang berin ka hri a. Kan hotupa berin ka form fill up sa signature pe
lova rawn thawn let ringawt ah chuan ka bur a, ka pu bulah theihtawpin
ka thinrim thu ka sawi a, ka thinrim zawng zawng ka hrithla ni berin ka
hria. Ka pu erawh chuan zaidam takin ka thusawi a ngaihthla a, a tawp
a tawp ah zawng thinrim reh khawpin kan ti ti leh thei ta a. An In
atanga ka chhuah dawn meuh chuan ka pu hnenah thupha chawi chu ka tih
ngei ngei angai tawh hial zawk a, a chhan pawh ka sir ani a, a ma
tel ve na pawh ni hlei lovah ka thinrimna ka va sawi vak vak a,
zirtirtute bula sawi awma mawi lo hial in ka awki ka san leh nghal bawk
si. In chhir a na duh khawp mai. Mahse hetianga ka mizia hrethiam tak a,
kan thatna leh hmasawnna duhsaka min kaihruaitu Dr.M.N Rajesh a lo awm hi chu kei a tan hian a lawmawm thin ngawt mai.
Campus ah hian zep thu a cheng lo, a hming a research
te kan tih ve avangin kan nau zawk te hi chuan u en in min en ve thin
a. Chumi ni tlai pawh chuan, kan nau pakhat bulah ka thil tawn chu ka
hrilh a “ Tlangval pawh in lo he ti ve thin tho ani maw?” a ti a, ka
rilru ah erawh ka la in ngai puitling thei lo anih ber hi, kan nau te
tan chuan u chu ahmingin kan ni ve mai a, mahse kei mah a kei mah erawh
hi chuan tunah lam hian “Puitlin hi a lo har awm mang e!” tih dinhmun ah
ka la ding tan ve dawn chauh si a, engtik ah tak Puitling ve ang i maw?
No comments:
Post a Comment